Monday , November 19 2018
Home / General / Beautiful Words – Aisha’s Mother

Beautiful Words – Aisha’s Mother

The most beautiful of what they said –  Aisha’s Mother

ولي أمر بمدرسة الأمل  بالشيخ زايد – والدة الطالبة عائشة

” بشكر حضرتك جدا جدا لأنك فعلا غيرتي الولاد والبنات عائشة خدت فترة أول خدت الكتاب كانت حابة قوي إنها تخبيه مش راضية توريهولي . يا ماما إحنا مشتركين في البرنامج بس مش هوريهولك . ليه يا عيشة . تقولي أصل الميس قالت ده بتاعك إنتي بس . مينفعش حد يقراه . شوية شوية لقيتها بتقولي طب بصي يا ماما أصل أنا عايزة صورة . أصلي عايزة صورة من بابا و عايزة صورة من أختي و عايزة صورة من أخويا وصور من صاحبتي . ليه يا عيشة . قاليتلي هقولك يا ماما بصي الكتاب بصي الميس كاتبالنا فيه إيه بصي الدكتورة حبانا إزاي . فجأة شوية شوية لقيتا حابة نفسها حابة شكلها حابة أختها حابة أخوها بدات تساعد أخوها . أنا بدات أتكلم معاها فقولتلها أنا بشتغل وانا مش موجودة في البيت مين مامته سكتت قولتلها إنتي مامته . إنتي أخته إنتي مامته . عجبها قوي الفكرة حبته بدأت لما يعمل حاجة غلط تقوله براحة تساعد أختها في المذاكرة بدات تتغير كتير حبت نفسها قوي . ماما أروح النادي ألعب تاني الكاراتيه بعد ما كانت كرهته فرحت قوي إنها أخدت أخر حزام في الكاراتيه بدأت تقول يا ماما طب أروح معهد الموسيقي تاني أتعلم الموسيقي يا ماما إديلي كورسات إنجليزي علشان أنا في مدرسة عربي بس أنا عايزة أبقي متطلعة أكتر في الإنجليزي . إديني كورسات يا ماما . بدأت تقولي أنا نفسي أقابل الدكتورة علي فكرة هيا منتظرة اليوم النهارده قوي لأنها عارفة إنها هتقابل حضرتك فكل شوية تقولي يا ماما الدكتورة قالت هتجيلنا المدرسة وبعدها بشوية قالتلي يا ماما إحنا هنقابل الدكتورة في الحفلة . علي فكرة أنا عندي شغل وسيبتني شغالي وسيبت باباها شغله علشان خاطر نيجي اليوم دة وهيا فرحانة جدا إنها جاية تقابل حضرتك وفعلا حصل تغيير كبير جدا وانا مش عارفة أشكر حضرت إزاي بجد ميرسي جدا “

About admin

Check Also

Beautiful Words – Mona Taha

The most beautiful of what they said – Mona Taha